德甲今晚独脚戏有好戏上演，虽然话「蜜蜂兵团」自德超盃一直表现勇勐，但连主帅高普都承认班波创造力唔及早几年，蜜蜂竇喪煲魚生粥又话新兵融合需时，睇佢哋上场都赢得辛苦，今晚随时重演多铺小胜收场，一于博4倍「让球和」啦!

　　多蒙特上月底喺德超盃係威係势大炒拜仁慕尼黑4:2，之后德国盃同德甲开咧战都大胜收场，不过到上轮返主场迎战新升班嘅布伦瑞克，喺对方决心死守下，要到75分钟先打破僵局，最终亦只係险胜2:1。面对死守要打开缺口，其实好讲球队中前场创造力，多蒙特近年先后放走香川真司同马里奥葛斯等进攻重心，组织力受影响根本唔出奇。

　　更加大镬嘅係，谂住可以接班做中场指挥官嘅德国新国脚根度简近排又因背伤缺阵，由萨克达使咗成2,750万欧元买入嘅星级中场米希达利恩同「加蓬郑少伟」奥巴美扬又融合需时，难怪高普都话班波创造力差咗，仲话估计不来梅今晚会抄桥死守，场波唔会易踢咁话。

　　不来梅上季排14过终点的确令人失望，以为佢哋今季2战全胜就係重振雄风咩?查实佢哋开咧2连胜嘅对手只係弱旅布伦瑞克同奥格斯堡，今仗仲有两名防线主力卡迪拿同富斯都有伤上阵成疑，不过如果佢哋肯决心打死守，又或者趁住主队正选门将维丹费拿因肠胃病缺阵，由副选门将兰格历克顶上可以偷番粒，睇怕多蒙特最终都只能小胜收场。

　　多蒙特进攻主力马高列奥斯原来对射破云达不来梅特别有心得，上季两循环交手，佢每次都係先拔头筹。更巴闭係佢前季仲踢紧慕逊加柏嗰阵，首循环就帮球队大炒不来梅5蛋，当中佢就连中三元，今晚玩「首球」唔拣佢点得?